ABŞ-ın Kentukki ştatının sakini Keti Beyli fal üçün nəzərdə tutulan peçenyelərdən götürdüyü rəqəmləri kombinasiya edərək lotereyada böyük məbləğ udub.

Index.az xəbər verir ki, Ketinin sözlərinə görə, ideya təsadüfən yaranıb: o, qızına çıxan falda çap olunmuş rəqəmlərlə oynamağa qərar verib. Uduş haqqında bildiriş onun üçün tam gözlənilməz olub - noutbukun ekranında açılan pəncərə 50 min dollar məbləğində mükafat haqqında məlumat verib.

"Bunu həzm etmək çox çətin idi, sayıqlamadığımdan əmin olmaq üçün iki dəfə yoxlamalı oldum", - o bildirib.

Beylinin sözlərinə görə, uduş çox yerinə düşüb. Belə ki, onun əri dekabrda təqaüdə çıxmağa hazırlaşır və bu pullar ailə büdcəsini möhkəmləndirməyə kömək edəcək.