Heyvanlar da insanlar kimi stress keçirə və depressiyaya düşə bilərlər. Bildiyiniz kimi, bu cür psixi dəyişkənlik bizi intihara sürükləyən amillərdən biridir.

Bir müddətdir ki, balinaların müəyyən bir hadisə və ya ətraf mühitin çirklənməsi səbəbindən intihar etdiyinə dair spekulyativ xəbərlər gündəmdə idi. Əslində, bu hadisənin altında yatan səbəb tamam başqadır.

Söhbət alfa balinasının özünü ölümcül xəstə hiss etməsi, gizlənmək üçün uyğun yer axtarması və yerdə qalan köç edən sürünün çaşqınlıq içində liderinin ardınca getməsi, sonra sahildə ölməsi ilə bağlıdır.

İşin başqa bir tərəfi də “siçovulların öləcəklərini bilərək pişiklərin arxasınca qaçmaları”dır. Məsələ burasındadır ki, siçanların beyinlərinə təsir edən bir növ parazit var və siçan bu parazitə məruz qaldıqda qorxu hissini itirir və asanlıqla pişiyin şikarına çevrilir.

Əslində, ekspertlər arasında tam konsensus yoxdur. Başlamaq üçün, heyvanlar həqiqətən də intihar edə bilər, lakin ölmək arzusundan bunu edib-etmədikləri bilinmir. Sirk tamaşalarında olanlar kimi yüksək stress altında olan heyvan özünü öldürə bilər. Lakin onların bizim kimi intihar düşüncəsi ilə bunu etdikləri barədə dəqiq məlumat yoxdur.

Digər tərəfdən, bir çox mütəxəssis iddia edir ki, oxşar psixoloji reaksiyalar insanlar və heyvanlar arasında baş verə bilsə də, intihar bunlardan biri deyil. Bu fikri dəstəkləyənlərin fikrincə, hər bir insan bir gün öləcəyini bilir, lakin bu, insanlara xas olan xüsusiyyətdir. Heç bir heyvan həyatdakı yerini və bir gün öləcəyini bilərək ölümlə bağlı qərar verə bilməz. Onların qorxuya əsaslanan instinktləri və təhlükədən çəkinmələri, ölümlü olduqlarını bilmələri ilə uzlaşa bilməz.

Bəzi heyvanlar ailələrini qorumaq üçün özlərini qurban verirlər, bəziləri dostları öldükdən sonra yasa girirlər.