Əlcəzair Meteorologiya Xidməti cari isti dalğası üçün xəbərdarlıq səviyyəsini narıncıdan qırmızıya yüksəldib və ölkədə temperaturun 48 dərəcə Selsidən çox olduğu ağır iqlim şəraitinin yaşandığını açıqlayıb.

Qurumdan verilən yazılı açıqlamada yüksək istilərin ölkə daxilində davam etdiyi və bəzi şəhərlərdə temperaturun 48 dərəcəni keçdiyi bildirilib.

Həyəcan səviyyəsinin narıncıdan qırmızıya yüksəldiyinə diqqət çəkən açıqlamada, bu vəziyyətin hər ilin iyul ayında adi temperaturlarla müqayisədə çox yüksək temperaturlarla xarakterizə olunan ağır hava şəraiti ilə əlaqədar olduğu vurğulanıb.

Əlcəzair Meteorologiya Təşkilatının təsnifatlarına görə, narıncı rəng "çox təhlükəli" vəziyyətin baş verdiyini və ya gözlənilən olduğunu, qırmızı rəng isə müstəsna dərəcədə ağır "çox təhlükəli" vəziyyətin baş verdiyini və ya gözlənildiyini bildirir.

Şənbə günü sahilyanı ərazilər də daxil olmaqla ölkə daxilində temperaturun kölgədə 48 dərəcəyə çatacağı elan edildikdən sonra sözügedən qurum tərəfindən narıncı xəbərdarlıq edilib.

Əlcəzairin Mülki Müdafiə Rəyasət Heyəti də dünən hava istiliyinə görə ölkənin şimalında 7 şəhərdə meşə yanğınlarının baş verdiyini, hava və qurudan söndürmə işlərinin davam etdiyini açıqlayıb.

Əlcəzair səlahiyyətliləri həftələrdir davam edən isti dalğasının meşə yanğınlarına səbəb ola biləcəyi ərəfəsində yüksək həyəcan vəziyyətinin işə salındığını açıqlamışdı.

Təxminən bir aya yaxındır ki, Əlcəzairdə paytaxtda 48 dərəcə, digər bölgələrdə isə 50 dərəcə rekord temperatur müşahidə edilir.