Geoloji sübutlara görə, okeanlar sonuncu dəfə təxminən 650 milyon il əvvəl ən azı iki dəfə donublar.

Kifayət qədər təkhüceyrəli fərdlər bu hadisədən sağ çıxıblar və bugünkü biomüxtəlifliyin əsasını qoyublar, lakin fosil qeydləri o qədər də şanslı olmayan çoxhüceyrəli həyat formalarının olub olmadığını söyləmək üçün kifayət deyil.

Bəs okeanlar yenidən donarsa nə baş verər?

1) Neftin qiyməti sürətlə qalxar!

Dünya neftinin yarısı dəniz yolu ilə daşınır. Okeanların donması və daşıma xətlərinin bağlanması ilə, neftin isitmə üçün ən çox tələb olunduğu anlarda neft tədarükü xeyli məhdudlaşacaq.

Nəticədə qlobal iqtisadi çöküş baş verəcək və bir çox ölkədə hərbi vəziyyət elan ediləcək.

2) Qidanın formalaşması çətinləşər!

Okeanları örtəcək buz təbəqəsi suyun dibinə çatan işığın böyük hissəsini kəsəcək və yosunları öldürəcək. Əvvəlcə bu yosunlarla qidalanan canlılar, sonra isə həmin canlılarla qidalanan canlılar və okeanlardakı həyat demək olar ki, tamamilə yox olacaq.

Yalnız hidrotermal kanalların ətrafında yaşayan dərin dəniz orqanizmləri sağ qalacaq.

3) Bitkilər məhv olar!

Buz günəş işığını sudan daha çox əks etdirir. Buna görə də iqlim kəskin şəkildə soyuyacaq və qlobal orta temperatur sürətlə aşağı düşəcək. Bitkilər susuzluqdan öləcək və nəticədə bitkilər tərəfindən daha az karbon qazı oksigenə çevriləcək, oksigen hardasa tükənəcək və həyat sona çatacaq.

Yığılmış karbon qazı atmosferdə toplanacaq və planeti yenidən qızdıracaq, lakin buzun əriməsi milyonlarla il çəkəcək.