Böyük Britaniya hökuməti “NatWest” (keçmiş “Royal Bank of Scotland”) bankındakı 1,26 milyard funt sterlinq (1,57 milyard dollar) səhmlərini satıb.

İndex.az xəbər verir ki, bu barədə “MarketWatch” nəşri yazır.

Nəşrin məlumatına görə, hökumət hər səhm üçün 268,4 pens qiymətinə 469,2 milyon adi səhm satıb ki, bu da cümə günü bağlanış qiyməti ilə eynidir. Nəticədə, Britaniya hökuməti adından bankdakı payı idarə edən доля “U.K. Government Investments Ltd.” (UKGI) 41,4%-dən 38,6%-ə düşüb.

Alıcı isə bankın özü olub. “NatWest” alınan səhmlərin 336,2 milyonunu geri almağı planlaşdırır.

Ölkənin ən böyük banklarından biri olan “Royal Bank of Scotland” 2008-ci ildə maliyyə böhranından sonra milliləşdirilib. Banka vergi ödəyicilərinin pullarından maliyyə yardımı onun 81% səhminin müqabilində 45,5 milyard funt sterlinq təşkil edib.