Bu ilin yanvar-aprel ayında Azərbaycanda 1 259 ədəd minik avtomobili istehsal olunub.

İndex.az bu barədə Dövlət Statistika Komitəsinə istinadən xəbər verir.

Məlumata görə, bu, 2022-ci ilin müvafiq ayları ilə müqayisədə 549 ədəd və yaxud 77,3 % çoxdur.

Nəticədə, bu il mayın 1-nə ölkədə 877 ədəd hazır məhsul ehtiyatı yaranıb.

Qeyd edək ki, bu ilin yanvar-aprel ayları ərzində Azərbaycanda 245,4 milyon manat dəyərində maşın və avadanlıqlar, sair nəqliyyat vasitələri, avtomobil, qoşqu və yarımqoşquları istehsal edilib. 2022-ci ilin yanvar-aprel ayları ilə müqayisədə maşın və avadanlıqların istehsalı 23,5 %, avtomobil, qoşqu və yarımqoşquların istehsalı 69,2 % artıb, sair nəqliyyat vasitələrinin istehsalı isə 27,3 % azalıb.