Kəmalə Alıyeva
Uçuş heyətləri davamlı olaraq müxtəlif ölkələrə səyahət edirlər. Bəs bu qədər ölkəyə səyahət edərkən viza məsələlərini necə həll edə bilirlər? Onlar istədikləri yerə pasportsuz, vizasız girib-çıxa bilirlərmi?
İndex.az məsələ ilə bağlı araşdırma aparıb.
Birləşmiş Millətlər Təşkilatının təşkilatı olan “Beynəlxalq Mülki Aviasiya Təşkilatı” tərəfindən verilən “uçuş heyəti sertifikatı” olaraq da bilinən “eniş kartı” uçuş heyətinə vəzifələrinə görə verilir və bir növ pasport rolunu oynayır.
Beləliklə, siz istənilən ölkəyə pasport və vizasız səyahət edə bilərsiniz.
Kartda olması lazım olan məlumatlar aşağıdakı kimidir:
Şəxsi məlumatlar: Ad, soyad, doğum tarixi, cinsi, milliyyəti
İşəgötürən: Aviaşirkət
Vəzifə: Pilot, kabin heyəti və s.
Etibarlılıq tarixi
İmza
Təbii ki, bunun müəyyən məhdudiyyətləri var. Onlar yol kənarındakı meyxana kimi istənilən vaxt hər yerə girib-çıxa bilmirlər.
Eniş kartından yalnız hansı şərtlərdə istifadə etmək olar?
Turistik məqsədlər üçün istifadə edilməməlidir. İş başında olarkən istifadə edilməlidir. Bəzi ölkələrdə 48 saatdan, bəzi ölkələrdə 72 saatdan çox qalmaq olmaz.
Ümumiləşdirsək, eniş kartı uçuş bələdçilərinin təqdim etmələri tələb olunan bütün məlumatları aydın şəkildə ifadə etdikdən sonra ölkəyə daxil olmaq üçün imtiyaz verir. Beləliklə, onlar dünyanın istənilən yerinə pasport və vizasız gedə bilirlər.