Kəmalə Alıyeva
2009-cu ildə “Yahoo”nun keçmiş işçiləri Brayan Akton və Yan Koum tərəfindən yaradılan “WhatsApp” hazırda dünyanın ən populyar ani mesajlaşma proqramına çevrilib. Onun innovativ xüsusiyyətləri və “Meta”nın bir hissəsi olması buna böyük töhfə verdi.
Dünyada 2 milyarddan çox aktiv istifadəçisi olan “WhatsApp”da hər gün 100 milyondan çox mesaj göndərilir. Bu bizə göstərir ki, istifadəçilər standart mesajlaşma proqramı əvəzinə “WhatsApp”a üstünlük verirlər.
İndex.az olaraq bu məzmunda hər gün ən azı bir neçə dəfə ziyarət etdiyiniz “WhatsApp” haqqında ilk dəfə eşidəcəyiniz maraqlı məlumatları sizin üçün topladıq.
Əvvəlcə ödənişli idi!
2009-cu ilin noyabrında buraxılan “WhatsApp” ilk il pulsuz istifadə təklif etdi. Sonradan istifadəni davam etdirmək üçün birdəfəlik 1 dollar rüsum ödənilməli idi. Təbii ki, bu gün hər kəsin pulsuz istifadə edə bildiyi bu proqram o zaman pullu idi ki, bu da ona üstünlük verilməməsinə səbəb oldu.
Çünki insanlar yeni mesajlaşma proqramı üçün ödəniş etməkdən çəkinirdilər. 2014-cü ildə o zamanlar “Facebook” kimi tanınan “Meta” 19 milyard dollara “WhatsApp”ı satın aldı. Bundan sonra proqram tamamilə pulsuz oldu.
“WhatsApp” indiyə qədər heç bir reklam göstərməyib!
Rəqəmsallaşmanın inkişafı ilə reklamlar vebsayt və mobil proqram tərtibatçılarının əsas gəlir mənbəyinə çevrilib. “Meta”ya məxsus “Instagram” və “Facebook”da bir çox reklamlar göstərildiyi halda, “WhatsApp”da əksinə olaraq heç bir reklam göstərilmir.
Bu zaman beyniniz “WhatsApp necə pul qazanır?” deyə soruşa bilər. Bu sualın dəqiq cavabı yoxdur, amma məlumdur ki, pul iki yolla əldə edilir. “WhatsApp for Business” API şirkətlər üçün əlçatandır və “WhatsApp Pay” Hindistan və Braziliyada mövcuddur.
“WhatsApp” bəzi ölkələrdə qadağan edilib!
Bütün dünyada xidmət göstərən “WhatsApp”ın qadağan olunduğu ölkələr var. Bu ölkələrə Çin və Şimali Koreya kimi repressiv hökumətləri olan dövlətlər daxildir. Bu ölkələrin “WhatsApp”a qadağa qoymasına səbəb kimi casusluq şübhələri göstərilib.
Çin və Şimali Koreyadan başqa, bir vaxtlar İran kimi bəzi Yaxın Şərq ölkələrində də qadağa tətbiq edilib.
“Google” “WhatsApp”ı almaq istəyirdi
Texnologiya nəhəngi “Google” 2014-cü ildə “WhatsApp”ı 10 milyard dollara almaq üçün şirkətin qapısını döydü.
Lakin təsisçilər onun qeyri-adekvat olduğunu və tətbiqin dəyərinə cavab vermədiyini düşünərək bu təklifi rədd etdilər. Elə həmin ilin fevralında “Facebook” “WhatsApp”ı 19,4 milyard dollara satın aldı ki, bu da “Google”dan demək olar ki, iki dəfə yüksəkdir. “Google”un tələb olunan təklifi təqdim etməməklə şirkəti satın almadığına görə peşman olub-olmaması maraq doğurur.
Adı niyə “What’s Up”dan ilhamlanıb?
Tətbiqin adının niyə “WhatsApp” olduğunu heç düşünmüsünüzmü? Şirkət bu tətbiq üçün “Necə gedir?” (“What’s Up?) sözündən ilhamlanıb. Bu, istifadəçilərin tətbiq sayəsində dostları ilə asanlıqla söhbət edə biləcəkləri mesajını verirdi.