Bakıda bu marşrut xətləri müsabiqəyə çıxarıldı

Bakıda bu marşrut xətləri müsabiqəyə çıxarıldı

img



Bakıda 5 müntəzəm marşrut xətti müsabiqəyə çıxarılıb

“İndex” Bakı Nəqliyyat Agentliyinə (BNA) istinadən xəbər verir ki, Agentlik 11, 30, 40, 71, və 199 nömrəli müntəzəm marşrut xətlərini müsabiqəyə çıxarıb.

Məlumata görə, daxil olan vətəndaş müraciətləri əsasında sadalanan müntəzəm marşrut xətləri üzrə təhlillər aparılıb və bir sıra çatışmazlıqların olduğu müəyyən edilib.

Bunu nəzərə alaraq, qeyd edilən xətlərin müsabiqəyə çıxarılması qərara alınıb. Məqsəd bu xətlər üzrə sərnişindaşıma xidmətlərinin keyfiyyətinin artırılmasıdır. Müsabiqənin şərtləri və qaydaları barədə ictimaiyyətə əlavə məlumatlar veriləcək.