Kəmalə Alıyeva
İtaliyanın Milan şəhəri şəhər sakinlərinin “sülh və sağlamlığını” qorumaq üçün gecə yarısından sonra dondurma və qəlyanaltıların satışını qadağan edən yeni qanun layihəsi hazırlayır.
İndex.az xəbər verir ki, şəhərin yerli hökuməti tərəfindən irəli sürülən təşəbbüs qəbul olunarsa, gələn ay qüvvəyə minəcək.
Noyabr ayına qədər davam edəcək yeni qanun İtaliya mədəniyyətinin bir hissəsi olan gecə saatlarında dondurma satışını məhdudlaşdıracaq.
Təklifdə səs-küylü qrupların küçələri doldurmaması və yerli sakinləri oyaq saxlamaması üçün iş günləri saat 12:30-dan sonra, həftə sonları və bayram günlərində isə gecə saat 1:30-dan sonra pizza və içkilər də daxil olmaqla bütün yeməklərin qadağan edilməsi tələb olunur.