Kəmalə Alıyeva
“Land Rover” bu ilin sonuna qədər ilk elektrikli “Range Rover” modelini təqdim etməyə hazırlaşır.
İndex.az xəbər verir ki, brend bu yeni modelin Şimali Avropada qış sınaqlarından keçdiyini açıqlayıb və bəzi sınaq şəkillərini paylaşıb.
Bildirilir ki, bu model ənənəvi “Range Rover”ə bənzər dəbli və müasir görünüşə malik olacaq. Qış sınaqları zamanı avtomobildə istifadə olunan güc aqreqatının və elektron komponentlərin performansı İsveçin dondurucu temperaturunda sınaqdan keçirilib.
“Land Rover” yeni avtomobilini -40 dərəcə soyuq temperaturda sınaqdan keçirdi. Şirkət avtomobilin dayanıqlığını ölçmək üçün tezliklə isti səhra iqlimində sınaqlar keçirəcək. Bu, geniş temperatur diapazonlarında elektrik yolsuzluq avtomobilinin etibarlılığını yoxlamaq üçün geniş sınaq proqramının bir hissəsidir.